كتير منا بحاول يثبت تطبيق وبتطلعو هالرسالة المستفزة التطبيق ليس مثبتاً 😞
شو هالرسالة ؟ وليش عم يرفض النظام تثبيت هالتطبيق ؟ وليش بعض التطبيقات بتتثبت وبعضها مابيتثبت ؟
-‐---------------‐---------------‐--------------
بداية لازم نذّكر انو لنظام الاندوريد عدة اصدارات مختلفة واكيد صار الغالب بيعرف هالشي .
--‐----‐-------------------------‐--------------
النقطة التانية لازم نعرف انو لكل معالج معمارية خاصة شو يعني هالشي ؟
معمارية معالج يعني تصميمه وآلية عمله
مثال بسيط عالمعمارية هي أجهزة الكمبيوتر يلي بتحمل معالجات من نوع Intel x86 و هي نوعين 32 , 64 bit وهالنوعين بينزلو تحت اسم معمارية بيئة
بالنسبة للأندرويد عنا معمارية ARM وهي الأكثر انتشار ومعمارية Intel وبالغالب لكل منهم معماريات بيئة.
--‐----‐-------------------------‐--------------
طيب ليش عم تخبرنا هالمعلومات هلق ؟ وشو دخلها بموضوعنا ؟
التطبيقات رح تنبنى بشكل أساسي عالمعماريات لذلك منلاقي كتير تطبيقات بتفشل بالتثبيت والحل بالغالب هو التحميل من المتجر لأنو بشكل تلقائي بوفرلك النسخة يلي بتتلائم مع معمارية المعالج الخاص بجهازك .
--‐----‐-------------------------‐--------------
طيب في تطبيقات مو موجودة بالمتجر ؟ كيف بقدر حمل النسخة يلي بتلائم جهازي ؟
بداية لازم تعرف معمارية معالجك واصدار الاندرويد عندك عن طريق تطبيق بسيط اسمو droid info ويلي مهمتو يعطيك معلومات تفصيلية عن جهازك . بعد ماتعرف نوع المعمارية واصدار الاندرويد بتحمل التطبيق عن طريق جوجل وبتختار النسخة يلي بتناسب جهازك .
--‐----‐-------------------------‐--------------
طيب نحنا لهلق ما فهمنا شي ؟ لذلك عنوان عريض .. شو هي الأسباب يلي بتخلي هالرسالة تطلع ( التطبيق ليس مثبتاً )
- مافي مساحة كافية
- ملف التثبيت تالف
- ملف التطبيق مابيتلائم مع معمارية الهاتف او اصدار الاندرويد
- تطبيقين بنفس الشهادة او التعريف (تطبيقين بنفس الاسم بنسخ مختلفة)
--‐----‐-------------------------‐--------------
طيب هي الأسباب عرفناها شو الحل :
ببساطة وبعد ما عرفنا الأسباب منقول وجود المساحة الكافية وجود النسخة الملائمة للجهاز وجود النسخة السليمة للتطبيق وعدم تعارضها مع تطبيق اخر .
بالنهاية لازم نكون قادرين على تحميل التطبيقات المختلفة على جهازنا وبدون ماتطلعلنا رسائل الاستفزاز المزعجة
تصميم : Mahmoud Jazaerly
فكرة وكتابة : Omar Al Boushi
كل الحب لكم 🌺❤❤
كلمات للبحث
التطبيق ليس مثبتاً
حل مشكلة تثبيت التطبيقات
التطبيق لا يتثب
حل مشكلة التطبيقات
حل مشكلة التثبيت
مشاكل التثبيت
كيفية تحميل التطبيقا الملائمة
ليست هناك تعليقات
إرسال تعليق